كل اورفس

عبد الهادى رعد · #1 08-12-2008, 11:07 AM

السلام عليكم
القصيده دى هزليه بعنوان كل وارفس

لمحت لحمه فى محل زحمه ما بين صغير وبين كبير

لقيت فيه هيصه وحاجات رخيصه ممبار وكرشه وكباب خطير

انا قلت اجيلو واخطف لى كيلو والاغيه فى فشه وطحال كتير

مانا اصلى غاوى اكل عكاوى واحب اكلها بس بضمير

واكل كوارع واطوف شوارع لا يمكن اتعب او استجير

وعشان يكفى اتنين مشفى احمر ملبس زى الحرير

وانا برضه راضى رجعلى ماضى ما ارجعش فاضى من غير ده خير

بفلوس قليله وكلمات جميله ارجع وشايل الخير كتير

سنين طويله ييجى الف ليله ما يوم يعدى من غير ده خير

والاشيا ماشيه والكبده زبده واللحمه حلوه كندوز صغير

جيت مره باشهق لقتنى بنهق وودانى كبرت وصوت جعير

اصبحت قدوه فى لبس حدوه من اى سيسى بقيت باغير

ويوم ما بادعى القى البرادعى يجيبلى سرج ولجام واطير

ساعه ما باعطش ارفس وابرطش واحط بوزى فى اى زير

كان اسمى صاوى بقيت حصاوى فى اسطبل عنتر قاعد اسير

كبرت ودانى طولت سنانى وكروشنا كبرت ما لهاش نظير

اثناء غيابى غابت كلابى قعدت اهوهو لعله خير

وفى يوم معدى وما حد قدى لقيت فيه لمه وناس كتير

وبرضه زحمه فى محل لحمه ولاجل ما اعرف اسأل خبير

لقيت غضنفر واقف بينفر فى ايده مطوه وبصوت زئير

ويا ريت ما رحت وسألت عنه طلع صاحبنا جزار حمير

:36_1 1_6:

مع تحيات حصاوى أأأأأأأأأأأأقصد

رعد

tito · #2 08-12-2008, 01:31 PM

شكرا لك على الموضوع الطريف
وتم نقله للقسم المناسب

عبد الهادى رعد · #3 08-17-2008, 10:48 AM

عذرا اخى تيتو انا الظاهر وضعت الموضوع فى القسم الخطأ

تقبل اسفى العميق

وشكرا على مرورك نورت موضوعى المتواضع

chahrazed · #4 08-21-2008, 10:51 AM

تسلم يا حصاوي قصدي يا عبد الهادي هههههههههههههههههههههههههه على القصيدة دي هههههههههههههههههههههههههههه تقبل مروري ولك مني ارق تحية

كل اورفس

نكت - فوازير - قصص مضحكة - ترفيه طرائف مرح فكاهه ضحك فرفشه صرقعة